Árshátíðarslúður dauðans.

Bleh... ég gæti ekki orðið úldnari. Í gær var nefnilega árshátíð Lindaskóla 2005 og ef satt best skal segja þá fannst mér hún hafa heppnast frekar vel. Jebbjebbjebb... undirbúningurinn var brjálaður en einhvernvegin tókst okkur að tjasla þessu saman á síðustu stundu. Ég fór líka í klippingu í gær og það er slatti farinn af hárinu mínu en það er allt í lagi, því allt kom vel út í endann. Svo var það árshátíðin... Ég var kynnir með Erlu Rún, og við vorum ekki búnar að undibúa neitt þannig að við spunnum bara eitthvað upp á staðnum... kom ehh... ekkert svakalega vel út en hey, við vorum þó í flottum kjólum :) Svo kom ég mér fyrir á borði með vinkonum mínum. Leikritið í ár var geðveikt gott, mikil framför frá því í fyrra, en í ár voru ekki eins margir í leiklist svo að það var auðveldara að hafa það styttra. Þau gerðu nútíma útgáfu af Öskubusku sögunni og jamm... I had my laughs. Ég vann ekkert í happdrættinu, sem að var algjör bömmer... fyrsta skipti sem ég tek þátt, já ég hef aldrei borgað mig inná árshátíð áður (híhí) og þar af leiðandi aldrei unnið neitt. En mig langaði rooosalega að vinna páskaegg... en svo fór sem fór, það er og. Úrslit kosninganna voru líka, og ég var tilnefnd í 3 flokkum held ég... vann ekki neitt, sem kom mér ekkert á óvart en ég skammaðist mín ótrúlega þegar Rut byrjaði að öskra nafnið mitt í tilnefningunum fyrir Ungfrú 10 bekkur... nei, leiðrétting, Tíundibekkingurinn KVK! Ég skildi ekki alveg hvað málið með það var... heldur ekki hver vann það, ég vissi ekki um eina manneskju sem kaus hana... Mér fannst að Guðný ætti að vinna. En já, ég var tilnefnd Týpan sem ég skildi ekki alveg, I'm as ordinary as they come, og Fallegasta brosið... því náði ég eiginlega ekki heldur, og Tíundibekkingurinn kvk... hehe... fáránlegt. En allaveganna þá var ég frekar móðguð að vera eina manneskjan í spurningarliðinu sem var ekki tilnefnd Gáfnaljósið... ég kenni hárinu um, en kannski er ég bara ekkert gáfuð...gæti það verið? Tilgáta er líkleg lausn á ráðgátu fólk. Erla Dóra vann þann titil, og átti það vel skilið. Sunza hreppti Týpuna þriðja árið í röð, klapp á bakið fyrir hana. Annars er voða lítið um kosningarnar að segja... nema Sigurbjörn kennarninn minn var valinn Skemmtilegasti kennarinn, hann átti það vel skilið. Persónulega og prívat er ég vaxin upp úr þessum kosningum, er virkilega æskilegt að sækjast eftir svona hégóma? Svo var það hljómsveitin, hún skipti miklu máli. Í svörtum fötum lék fyrir dansi.. og ef ég man rétt var enginn þeirra í svörtum fötum, en þeir voru mjög góðir og Jónsi er náttúrulega svo rosalegur "steidspríformer" að hann gæti fyllt heilann sal einn og sér með öllum sjarmanum sem hann á, enda voru dömurnar fremst alveg að swoona fyrir honum, og þar ber að nefna Erlu Dóru sem að tók dans með honum og Hildi sem gerði sér lítið fyrir og kleip í hans vel skapaða afturenda. Ég skemmti mér semsagt konunglega á ballinu, og ég dansaði meira að segja við strák! *Fliss og roðn* Híhí...Já, ég vil bara benda á það að hann Gummi er indæll dansherra, en eina ástæðan fyrir þessum punkti er að gera Erlu Dóru afbrýðissama. Oh, I am such the bitch, Muhahaha. Hljómsveitin stóð sig líka massavel og þeir tóku meira að segja System of a down lag, og voru ekki að þröngva sínum eigin lögum mikið upp á okkur. Svo eftir ballið þá ætlaði ég, bjartsýn að labba heim... það gekk ekki upp og pabbi var svo vænn að sækja mig. Þegar ég kom heim var ég ekkert þreitt og sofnaði loksins þegar klukkan var að ganga 3.

Oj, ég held ég hafi náð hámarki úldnunar í morgun... hárið á mér stóð 10 cm upp í loftið, ég var rauð í augunum og stóð nánast ekki í fæturnar fyrir verkjum, ég dansaði kannski heldur harkalega kveldið áður. Ég fór þó í skólann, en kennararnir voru góðir við okkur og ég þurfti ekkert að reyna á heilasellurnar. Ég fékk líka bekkjarmyndina í dag, my god... ég lít út eins og einhver jussa á henni. Ekki það að ég hafi eitthvað á móti jussum but I have no desire to be one. Myndin sjálf er líka bara frekar slöpp... eða þá fólkið er bara svona slappt... að mínu mati komu bara 3 manneskjur vel út á myndinni... Skúli (afþví að hann er dúlla), Silvía (hún er alltaf eins, therefor kemur hún alltaf vel út á myndum) og Sigurbjörn (hann er með krúttlegt frekjuskarð). Ég skil ekki afhverju skólinn ræður alltaf sama manninn til að taka myndirnar þar sem að þær koma sjaldan sem aldrei vel út hjá honum, æj... kannski er þetta bara ég. Well... svo trallaði ég mér heim eftir olíumálun og ætla að skreppa í sturtu núna... gera heiðarlega tilraun til þess að ná hárinu aftur niður. Engin sérstök plön í kvöld, ætla bara að hitta Benediktu og við finnum okkur eflaust eitthvað skemmtilegt að gera.

Pæling dagsins: Hmm...... það er tveir dagar þanga til ég fer út. Hvað á ég að kaupa mér? Þetta er eina pælingin sem ég á sem stendur... bömmer ekki satt? Yes, the chicken was put on this earth to entertain mankind.

Kv.Andrea