Hefur þú einhvertíman...

... upplifað það að ganga heim og fundið jörðina hreifast undir þér? Uppgötvað að malbikið er eitt stórt svell og að þú kemst ekki upp brekkuna sem liggur heim til þín? Reynt að ganga mjög hratt en bara endað á því að renna niður aftur? Dottið í hug að labba frekar á grasinu en gert þér það ljóst að einhver uppskafningur hafi breytt grasinu í svell líka!? Reynt að krafsa þig lengra upp brekkuna með höndunum, dottið á bossan og endað með andlitið í poll? Fundið fyrir undrun, sorg og sjálfseyðingarhvöt þegar þú finnur að misgáfað laufblað hefur ratað upp í kjaftin á þér? Híft þig aftur upp og skautað meðfram runnunum, komist upp að gangstéttarbrúninni móður og másandi? Velt því fyrir þér hvað í ósköpunum þú sért að gera í ókunnugum garði klukkan 3:27 á laugardagsnóttu? Byrjað að ganga, eða öllu heldur skauta hraðar þegar þér fannst einhver vera að elta þig? Komist að því að þetta væri einungis skugginn þinn? Stigið í skítugan poll og blotnað í fæturna? Orgað eins og Dr. Gonzo í baði þegar ipodinn þinn varð batteríslaus? Hlaupið síðasta spölinn heim til þín því að himininn ákvað skyndilega að rigna á þig? Opnað hurðina vígalega og strunsað inn eins og versti barbari, til þess eins að detta um köttinn þinn? Skriðið volandi upp í herbergið þitt með sárt enni og kaldan bossa, klöngrast upp í rúm, gripið um loðna fjólubláa koddann þinn og hjúfrað þig í fósturstellingu óskandi þess eins að vakna ekki morgunin eftir svo að þú þurfir ekki að klára ritgerð fyrir félagsfræði og fara í vinnuna? Fundið fyrir stingandi sársauka þegar ofsóknaróður kötturinn þinn glefsar í tána á þér? Glaðvaknað við það og skrifað blogg um hamfarir þínar kl. 4.13 að nóttu til? Velt fyrir þér afhverju? Afhverju þú sért að gera þetta?

Ég hef. (Rosalega er ég artí þegar ég get ekki sofið).

Kv.Andrea